რამდენიმე დღის წინ, ბელგიური სტუდია Larian-ის მიერ შექმნილი, Divinity-ის პოპულარული სამყაროს მეექვსე სერიის გარკვეული დეტალები გახდა ცნობილი. თამაშის სახელია Divinity: Original Sin, ჟანრის კლასიფიკაცია - სვლების მონაცვლეობის სისტემაზე დაფუძვნებული RPG, რომელიც ორიენტირებული იქნება კოოპერატივზე. სტუდიის მტკიცებით, პროექტზე მუშაობა 2010 წლიდან მიმდინარეობს და მისი გამოსვლა 2013 წლის პირველ კვარტალში მოხდება (PC/Mac).
სიუჟეტი ორიგინალი (2002 წელს გამოსული) Divine Divinity-ის მოვლენებამდე რამდენიმე წლით ადრე განვითარდება და ორკებისმიერ აღმოჩენილ მაგიურ ძალებზე გვიამბობს, რომლის საშუალებითაც ისინი ახლიდან იწყებენ ომს რეველონის ხალხის წინააღმდეგ. უშუალოდ ჩვენი ისტორია ორი გმირის, ციხიდან გამოქცეული, ნაწამები მებრძოლის და მკვდრეთით აღმდგარი გოგონა-ზომბის საერთო მოგზაურობით იწყება. მათი ერთად ყოფნის რეალურ მიზეზებს, თამაშის მსვლელობისას შევიტყობთ. ხო და რაც მთავარია, მათ გარდა, სიუჟეტის განვითარებასთან ერთად, გუნდში კიდევ ბევრი კოლორიტული პერსონაჟების აყვანა მოგვიწევს.
გეიმფლეი მექანიკა აგებულია უკლასო განვითარების სისტემაზე, უამრავი შესაძლებლობებით. თამაშის სამყაროს რაც შეეხება, იგი არ არის ოთხ კედელში ჩასმული და მასში ბევრი მოგზაურობა მოგიწევთ. ასევე იქნება დახვეწილი და ღრმა დიალოგების სისტემა, რომელში მიღებული გადაწყვეტილებებიც რეალურ ზეგავლენას მოახდენს სიუჟეტზე. კოოპერატივში თამაშის შემთხვევაში დიალოგები ორივე პერსინაჟს ერთმანეთისგან დამოუკიდებელი ექნება. მუსიკალურ გაფორმებაზე, წინა სერიების გამო არაერთხელ დაჯილდოვებული, კირილ პაკროვსკი იზრუნებს.
